әс-Сәмийгь — Аллаһ барча тавышларны Ишетүче. Аның ишетүе мәхлукатларныкы кебек түгел, ә Үзенә генә хас рәвештә камил ишетү һәм ул ике төрле:
1) Аңа җирдә вә күкләрдә һичнәрсә дә яшерен түгел. Ул барча ишетелә торган нәрсәләрне Үзенең ишетүе белән чолгап алды һәм тавышларның барчасын да бер вакытта ишетә, Аның өчен алар берсе дә буталмый. Ул тышкыны да, эчкене дә; ачыкны да, яшеренне дә ишетә.
2) Аннан сораучыларны, дога кылучыларны вә Аңа гыйбадәт кылучыларны Ул игътибарсыз калдырмый, Аларның сорауларына җавап бирә вә әҗер-савап белән бүләкли.

әл-Бәсыйрь — Аллаһ барча нәрсәләрне; ачыкны вә яшеренне, якынны вә еракны Күрүче. Аның күрүе мәхлу-катларныкы кебек түгел, ә бәлки Үзенә генә хас рәвештә камил күрү. Аның күрүе җирдәге һәм күкләрдәге барча нәрсәләрне чолгап ала, хәтта караңгы төндә кечкенә кара кырмысканы, аның тышкы вә эчке әгъзаларын, эчендәге ризыкларын Күрүче. Ул үсемлекләрнең эченнән агучы суларны Күрүче. Аннан һичкем-һичнәрсә яшерен түгел, Аның күрүенең чиге юк.

әл-Мүтәкәббир — Аллаһ олуглык вә горурлык Иясе. Ул мәхлукатларның сыйфатларыннан Бөек, аларның үзләрен өстен куюларыннан, мин-минлекләреннән Олуг, Горур, Мөтәкәб-бир. Аннан башка олуглык, горурлык, тәкәбберлек Иясе юк, бу исем Аңа гына хас һәм Ул гына Олуг, Горур, ә Аннан башкалар барчасы да түбән, кечкенә.

Бу исем Коръәндә бер урында искә алына: әл-Хәшр:23, Аллаһу әгьләм.

әл-Җәббәр — бу исем фәкать Раббыбыз Аллаһка гына хас булган исем-сыйфатларның берсе

әл-Мүһәймин — Ул һәр эшнең асылын Күзәтеп, Барлап Торучы.

әл-Газииз — Һәр нәрсәне җиңүче, теләгәнен эшләүдә һичкем каршы тора алмаучы бердәнбер Барлык.

Әл-Куддус, Әс-Суббух, Әл-Му’мин — әлеге тапшыруда сүз Аллаһның бу охшаш мәгънәле исемнәрне турында бара

әл-Кәриим — Ул тиешле җәзасын билгеләгәннән соң — гафу итә, вәгъдә кылганнан соң — үти. Әгәр дә Ул бирә икән, өметләнгәннән дә күбрәк бирә һәм күпме бирсә дә, кемгә бирсә дә Аның өчен барыбер.

Әс-Сәләм — Ул Үзенең Затында, сыйфат-фигыльләрендә булган камиллегенә сәбәпле, барча кимчелекләрдән, җитешсезлекләрдән Пакь-Сәламәт. Ул Үзенең колларын иминлек-тынычлык таратуга, Ислам диненә һәм иминлек-тынычлык йортына чакыра.

Бу исемнәр барысы да Аллаһның патшалык Иясе икәнлегенә ишарәт итә

Рахмән һәм Рахиим сүзләре рәхмәт тамырыннан барлыкка килгән. Шул исемнәрнең мәгънәләрен һәм файдаларын хәзрәтебез ачыклап бирә.

Аллаһ тәгаләнең Ар-Рабб исеме — иң еш кулланыла торган исемнәрнең берсе булып тора